66
По повеќе од еден час насилно невреме во Тетово, дождот конечно престана, оставајќи зад себе големи последици. Тетовци, со помош на екипите од Противпожарната единица, започнаа со чистење на подрумите, гаражите и влезовите на куќите од надојдената вода.
Најмногу штети се регистрирани на неколку критични точки во градот, вклучувајќи ги и населбата спроти касарната, куќите во близина на текстилното училиште и подвозникот кон Скопје. Со оглед на тоа дека ова не е прв пат Тетово да се соочи со вакви настани, штетите од поплавите повторно се значителни.Невремето направило големи штети и на земјоделските и овошните насади во Тетовскиот регион, но засега нема официјални информации колкави се тие.
