Хрватска го има убедливо најскапото маслиново масло во Европската Унија, покажуваат новите податоци на Министерството за земјоделство и Европскиот завод за статистика. Според овие податоци, просечната цена на килограм екстра девствено маслиново масло во Хрватска минатата година изнесувала околу 13 евра, што е дури за 62 отсто повисока од просекот на ЕУ, објави Даница.хр. Во исто време, хрватското маслиново масло беше за 89 отсто поскапо отколку најевтиното во Грција.
Во истиот период, значи, килограм маслиново масло лани во ЕУ чинел просечно 8 евра, во Шпанија 7,4 евра, во Италија 9 евра, а во Грција 6,8 евра. Во Португалија годинава цената се движи меѓу 8 и 9 евра за килограм. Минатата година во Хрватска се произведени вкупно 38.200 хектолитри маслиново масло, што е за дури 31 отсто помалку од претходната година кога произвеле околу 55.000 хектолитри.
Во првите седум месеци од годинава извезовме 128 тони, а увезовме дури 2.500 тони маслиново масло. Во Хрватска не се произведува доволно и масло од сончоглед, што значи дека годишно троши многу повеќе масло отколку што произведува. Така, лани самодоволноста со сончогледово масло била 84 отсто, а со маслиново само 46 отсто.
