Францускиот претседател, Емануел Макрон, нагласи дека Франција останува “солидна држава со силна економија”, и покрај опаѓањето на активноста на берзите и финансиските пазари во очекување на гласањето за доверба на владата.
“Франција е солидна држава со солидна економија, но мораме да ја преземеме судбината во свои раце,” ја пренесе портпаролката Софи Прима изјавата на Макрон упатена до министрите на владината седница.
Тој исто така изјави дека амбицијата Франција да стане уште појака претставува порака испратена до финансискиот сектор.
Премиерот Франсоа Бајру претходно најави дека ќе побара гласање за доверба на неговата влада поради предложените буџетски планови за 2026 година, при што анализите укажуваат на потенцијално неповолен исход.
Сепак, Макрон не спомена никаква можност за распуштање на законодавниот дом на состанокот, потенцираше портпаролката Прима.
