Голем пожар избувна вечерва во населбата Драчево. Како што дознава Инфомакс од терен на улцата Герника 1 горат неколку куќи.
Четири противпожарни возила на ТППЕ Скопје се на терен и се борат со огнот.
Според информациите на Инфомакс се работи за три куќи, една со друга неповрзани, поради што постои сомневање дека пожарите се подметнати. Побарано е екипи на МВР да дојдат на местото на настанот.
Луѓето кои живеат во соседството на запалените куќи се револтирани и велат дека ова не е прв ваков случај, се случувало и другпат куќите да се запалат поради разни материјали и нечистотии кои во нив ги носат нивните сопственици.
Како што велат соседите, се работи за бараки во кои живее ромско население, кои и претходно имале проблеми со инсталациите и пожари и истите претставуваат опасност за сите околни куќи.
Луѓето кои живеат во околината апелираат овој проблем да се реши од страна на надлежните органи, за да се заштити останатото население кое живее во близина.
Екипи на МВР се на местото на настанот.
Во продолжениение фото-галерија од пожарот:
ФOTO: ИНФОМАКС
