Бруклин јавно слави со Никола додека семејната драма не стивнува
Дали ова е уште еден удар за семејството Бекам? Додека со месеци се шпекулира за нарушените односи и наводните несогласувања што го потресуваат едно од најпознатите семејства во светот, Бруклин Бекам покажа дека во неговиот приватен живот има многу причини за славење. Најстариот син на Дејвид и Викторија Бекам, заедно со сопругата Никола Пелц, одбележа посебен датум што има големо емотивно значење за нив.
Имено, Бруклин и Никола ја прославија првата годишнина од обновувањето на брачните завети – церемонија со која минатата година уште еднаш ја потврдија својата љубов и посветеност еден кон друг. По тој повод, двајцата на социјалните мрежи споделија заедничка фотографија направена за време на романтичен момент, придружена со емотивни пораки што веднаш им го привлекоа вниманието на нивните следбеници.
На фотографијата се гледа вљубената двојка како ужива со чаша вино, насмеани и опуштени, далеку од медиумската врева што често ги следи. Во лежерни модни комбинации, Бруклин и Никола изгледаат како пар кој го пронашол својот мир, и покрај бројните приказни што со месеци ги полнат насловните страници.
Особено внимание привлече пораката што Бруклин ѝ ја посвети на сопругата. Младиот Бекам не ги крие своите чувства и јавно ѝ се обрати со зборови што разнежнија многумина.
„Среќна годишнина, Никола. Не можам да опишам колку многу те сакам. Ти си мојот најдобар пријател и те сакам повеќе од сопствениот живот. Пресреќен сум што можам да те наречам моја сопруга. Ти си мојата принцеза и ветувам дека секогаш ќе те штитам“, напиша Бруклин.
Поврзани објави
Истата фотографија ја објави и Никола, која никогаш не криела колку ѝ значи нивниот брак. Двајцата често истакнуваат дека се најголемата поддршка еден на друг, а нивните обожаватели сметаат дека токму тоа им помага да се справат со притисокот од јавноста и постојаните медиумски шпекулации.
Додека љубовта цвета, семејните тензии не стивнуваат
Да се потсетиме, Бруклин и Никола ги обновија брачните завети на 2 август минатата година. Според магазинот People, церемонијата не била организирана поради криза во бракот, како што се шпекулираше, туку како симбол на нивната желба уште еднаш да ја прослават љубовта што со години ја градат. Извор близок на двојката тогаш откри дека сакале да означат ново поглавје во заедничкиот живот и дополнително да ја зацврстат врската, која уште од самиот почеток е под будното око на јавноста.
Иако нивниот брак изгледа постабилен од кога било, односите во семејството Бекам и понатаму се тема на бројни медиумски написи. Веќе подолго време кружат гласини за затегнатите односи меѓу Бруклин и останатите членови на семејството, а секоја негова објава на социјалните мрежи внимателно се анализира. Особено се коментираат наводните несогласувања со неговите родители, Дејвид и Викторија Бекам.
Сепак, Бруклин и Никола не дозволуваат негативните коментари да влијаат врз нивниот однос. Со своите заеднички фотографии и јавни појавувања испраќаат јасна порака дека се фокусирани на својата љубов и заедничката иднина, а нивните најнови објави покажуваат дека чувствата меѓу нив и понатаму се силни како и на самиот почеток.
ФОТО: ИНСТАГРАМ
