Украинскиот претседател Володимир Зеленски денеска изјави дека војската на земјата заробила двајца севернокорејски војници во областа Курск во Русија. Како што јави Ројтерс, Зеленски рече дека заробените севернокорејски војници комуницираат со Службата за безбедност на Украина.„Како и на сите воени заробеници, така и на овие двајца севернокорејски војници им се обезбедува потребната медицинска помош“, напиша Зеленски во објавата на платформата Х.
Our soldiers have captured North Korean military personnel in the Kursk region. Two soldiers, though wounded, survived and were transported to Kyiv, where they are now communicating with the Security Service of Ukraine.
This was not an easy task: Russian forces and other North… pic.twitter.com/5J0hqbarP6
— Volodymyr Zelenskyy / Володимир Зеленський (@ZelenskyyUa) January 11, 2025
„Ова не беше лесна задача: руските сили и другиот севернокорејски воен персонал рутински ги егзекутираат своите ранети за да ги избришат сите докази за вмешаноста на Северна Кореја во војната против Украина“, додаде тој. Зеленски во декември минатата година изјави дека повеќе од 3.000 севернокорејски војници биле убиени или ранети во борбите против украинските сили стационирани во рускиот регион Курск. Според Украина и САД, Пјонгјанг испратил илјадници војници во Русија за да ја засили руската армија во војната со Украина, од кои некои се распоредени во Курск, каде што украинските војници ненадејно извршија инвазија во август и зазедоа дел од територијата.
