Table of Contents
Пејачката сподели ретка фотографија со својот единец и откри колку значи за неа неговиот голем академски успех во Австралија.
За родител, нема поголема радост од моментот кога ќе го види своето дете како ги остварува целите за кои долго и посветено работело. Токму таков емотивен момент деновиве сподели Маја Вукичевиќ, која со гордост го прослави големиот академски успех на својот син Горазд.
Пејачката, која со години живее во Австралија, на социјалните мрежи објави ретка фотографија со својот единец, а поводот бил посебен – Горазд се стекнал со титула магистер по професионално сметководство.
За Маја, ова не е само диплома, туку круна на долгогодишниот труд, растење и градење сопствен пат.
„Денес срцето ми е исполнето со гордост и среќа“
Со фотографијата, Маја сподели и искрена порака во која не ја крие радоста поради успехот на синот.
Честитки, драг сине, за стекнувањето титула Магистер по професионално сметководство!
Денес срцето ми е исполнето со гордост и среќа, додека го славам твоето неверојатно достигнување“, напиша таа.
Но, нејзината порака не се задржа само на честитката за академската титула. Маја се наврати и на годините во кои го гледала својот син како расте, созрева и чекор по чекор ги остварува своите цели.
Да те гледам како растеш, напорно работиш и ги следиш своите соништа беше една од најголемите радости во мојот живот“, порача гордата мајка.
Горазд веќе има импресивен академски пат
Магистерската титула е само продолжение на образовниот пат на Горазд. Тој во 2018 година дипломирал на Економскиот факултет при УКИМ, а потоа своето образование го продолжил во Австралија. Токму неговиот успех таму сега беше повод Маја повторно јавно да сподели дел од својот приватен свет.
Иако е активна на социјалните мрежи и често споделува моменти од својот живот, фотографиите со синот не се меѓу најчестите објави на пејачката. Затоа оваа семејна фотографија привлече особено внимание.
Поврзани објави
„Најдоброто допрва доаѓа“
Маја во честитката му упати и желби за иднината, охрабрувајќи го да продолжи да верува во себе и во своите способности.
Ти посакувам иднина исполнета со успех, среќа, љубов и безброј можности. Секогаш верувај во себе, следи го своето срце и никогаш не престанувај да се стремиш кон остварување на своите соништа“, напиша таа.
А потоа следуваше реченицата која можеби најдобро ја открива нејзината емоција:
Ова е само почеток на твоето прекрасно патување и знам дека најдоброто допрва доаѓа.“
За крај, Маја не штедеше на емоции:
Толку многу се гордеам на тебе, сине мој! Те сакам до месечината и назад!“
Мајчината гордост пред сите
Ова не е првпат Маја јавно да покаже колку е горда на својот син. И по неговото дипломирање во 2018 година сподели фотографија со него, што беше една од ретките прилики кога Горазд се појави на нејзиниот профил. Сега, осум години подоцна, поводот е уште поголем.
Од диплома на Економскиот факултет во Скопје до магистерска титула во Австралија – Горазд гради сопствен професионален пат, далеку од медиумското внимание во кое е присутна неговата мајка.
А Маја, овојпат без многу зборови за себе и за својата кариера, го стави во центарот својот син и неговиот успех – со една фотографија и порака полна со мајчинска гордост.
Фото: Инстаграм
