Српскиот јутјубер Богдан Илиќ, познат како Бака Прасе, наводно бил одведен од својот дом во раните утрински часови. Неговиот тим објави дека засега нема информации каде се наоѓа, но дел од корисниците на социјалните мрежи се сомневаат дека станува збор за уште една провокација.
Бака Прасе повторно е во центарот на вниманието на регионалната јавност, но овојпат поради вознемирувачки наводи за случувања во неговиот дом. Според соопштението објавено на неговиот профил на Инстаграм, популарниот српски јутјубер наводно бил приведен во понеделник, околу шест часот наутро, откако маскирани лица влегле во неговиот стан и го одвеле.
Од неговиот тим тврдат дека во моментот не знаат каде се наоѓа Богдан Илиќ, ниту каква е неговата состојба. Во објавата наведуваат и дека се обиделе да добијат информации преку адвокат, но засега немале одговор.
„Не знаеме ни каде е ни како е“ – драматично соопштение од неговиот тим
На Инстаграм-стори, објавено на профилот на јутјуберот, се појавила порака потпишана од неговиот тим, во која се изнесени деталите за наводниот инцидент.
Богдан – Бака е приведен денес околу 6 часот изутрина. Во моментов не знаеме ни каде е ни како е.
Поседуваме фотографија од камера од маскирани лица кои ‘упаднале’ во станот и го одвеле – засега нема да ја објавуваме затоа што чекаме информации.
На прашање од адвокат уште немаме одговор“, се наведува во соопштението.
Тимот најавил дека располага со снимка од безбедносна камера на која, според нивните тврдења, се гледаат лицата што влегле во станот.
Јавноста е поделена: Апсење или уште еден маркетиншки трик?
Иако објавата предизвика голем интерес, реакциите на социјалните мрежи се поделени. Дел од корисниците изразуваат загриженост и бараат повеќе информации за тоа што навистина се случило.
Други, пак, се сомневаат во веродостојноста на приказната и сметаат дека можеби станува збор за уште еден маркетиншки потег на Бака Прасе.
Јутјуберот и во минатото привлекувал големо внимание со провокативни објави и ситуации што предизвикувале бурни реакции, а потоа понекогаш откривал дека станувало збор за измислени приказни или намерно предизвикана медиумска бура.
Hapšenju se u zube ne gleda, ok sam sa ovim
— Jelena Riznić (@riznidiznii) November 9, 2026
Токму поради тоа, дел од публиката засега не ги прифаќа наводите без резерва.
Сепак, во моментот нема потврда дека станува збор за инсцениран настан, но ниту независна официјална потврда за приведувањето. Останува да се види дали тимот на јутјуберот ќе објави дополнителни информации и дали надлежните институции ќе се огласат за случајот.
Фото: Printscreen Instagram
