Таравари се надева дека ВЛЕН ќе ја добие функцијата претседател на Собранието

Претседателскиот кандидат Арбен Таравари од ВЛЕН откри дека една од позициите што ги посакува ќе биде и функцијата претседател на Собранието, при преговорите со ВМРО-ДПМНЕ за составување владеачко мнозинство.

„Се уште не сме ги отвориле дискусиите за рамковните решенија. Се надевам дека ќе го имаме претседателот на Собранието. Ова ќе биде едно од барањата“, изјави Таравари за „Слободен печат“.

Таравари додаде дека треба да се изберат најдобрите кадри, за да се докаже дека албанската опозиција е подобра од ДУИ.