По девет години врска, Кристијано Роналдо и Георгина Родригез се свршија
Една од најпознатите двојки на светот, фудбалската суперѕвезда Кристијано Роналдо (40) и прекрасната инфлуенсерка Георгина Родригез (31), се свршија. По девет години врска, Роналдо конечно го поставил судбоносното прашање, а среќната вест ја сподели Георгина на својот инстаграм-профил, покажувајќи го огромниот свршенички прстен со емотивна порака:
„Да! Во овој и во сите други животи!“
Пораката што Георгина му ја упатила на Роналдо открива сè за нивната силна и непоколеблива љубов, заснована на меѓусебна почит и лојалност.
Нивната средба што се случила во 2016 година личи на вистинска бајка. Георгина тогаш работела како асистентка за продажба во бутик на познатата модна куќа „Гучи“ во Мадрид и сонувала за раскошен живот.
Не ни сонувала дека нејзиниот живот ќе се преврти наопаку кога колега ја замолил да остане по работното време за еден посебен клиент. Тоа била познатата фудбалска ѕвезда Кристијано Роналдо, кој во тоа време, една година по раскинувањето со Ирина Шајк, веќе бил посветен на родителството со сурогат-мајка, со која го добил синот Кристијано Јуниор.
Поврзани објави
Иако првите месеци ја чувале врската во тајност, веста набрзо се проширила. Обожавателите почнале масовно да доаѓаат во продавницата, што на крајот довело до тоа Георгина да добие отказ по само осум месеци работа.
Но тоа било само почетокот на нивната заедничка приказна. За една година, двојката го добила првото заедничко дете, ќерката Алана Мартина. Георгина, како што се наведува, брзо добила одобрување од мајката на Роналдо, Марија Долорес дос Сантос Авеиро. И покрај бројните шпекулации дека се венчале во Мароко, тоа не се случило.
Заедно поминале низ многу подеми и падови. Нивното семејство се проширило, прво со близнаците Ева и Матео, кои Роналдо ги добил со сурогат-мајка, а потоа во 2021 година, објавиле дека чекаат близнаци. За жал, во април 2022 година доживеале голема трагедија, кога момчето им починало при раѓањето, додека девојчето преживеало.
По речиси цела деценија љубов, заедничко родителство и соочување со најголемите животни предизвици, Роналдо одлучил дека сега е вистинскиот момент да ја круниса својата врска со жената која станала темелот на неговото семејство. Оваа вест ги израдувала нивните обожаватели ширум светот, означувајќи го новиот, среќен почеток за двојката, која докажа дека нивната љубов е доволно силна за да преживее сè.
ФОТО: Инстаграм
