Општина Крива Паланка и идната академска година ќе обезбеди финансиска помош во износ од 2,000 денари, во текот на девет месеци од годината, за сите ученици од прва година кои ќе се запишат во СОУ „Ѓорче Петров“ во Крива Паланка.
Оваа акција е составен дел од буџетската програма за образование која е ратификувана со решение од Советот на Општина Крива Паланка и предвидува во школската 2025/2026 година секој примен ученик во прва година во СОУ „Ѓорче Петров“ од Општината да добива 2000 денари месечна стипендија за период од девет месеци.
Претставниците на Општината истакнаа дека ова е само една од иницијативите со кои видливо се манифестира целта на Локалната самоуправа да ги поддржи младите, а во овој посебен случај, на идните гимназијалци. “Продолжува финансиската поддршка за сите запишани ученици во прва година во СОУ „Ѓ. Петров“ во учебната 2025/26”.
“Ваквата мерка за првпат беше воведена минататa година, така што, втора година по ред ги стимулираме нашите млади да останат да учат во својот роден град.”
Потребните документи за поднесување се наведени во барањето за доделување месечна парична помош, публикувано на општинската интернет страна www.krivapalanka.gov.mk , се вели во соопштението на Општина Крива Паланка. Завршниот термин за аплицирање е до 30 септември 2025 година.
