Неверството го уништи бракот на Катарина и Антонио, но сите се прашуваат – кој прв почнал?
Катарина Луиз од Бразил стана позната поради повеќекратните прељуби во бракот. Аферите почнале со кумот на денот на свадбата, а продолжиле со членови на семејството на младоженецот.
Пред неколку месеци, дваесет и четиригодишната Катарина Луиз од бразилскиот град Ипатинга привлече огромно внимание во јавноста поради повеќекратните афери во рамките на еден брак и едно семејство. Притоа следело соочување со сопругот, неочекуван пресврт и меѓусебно „мерење на гревовите“.
Катарина го изневерила сопругот Антонио токму на денот на венчавката – и тоа со кумот. Но не застанала тука: во наредните месеци ја продолжила низата прељуби, најнапред со таткото на кумот, а потоа и со неговиот роден брат, пренесува порталот O Tempo.
Кога Антонио ја дознал вистината, одлучил да ѝ приреди изненадување. Според локалните медиуми, Катарина признала дека уште пред венчавката меѓу неа и кумот постоела заемна привлечност. За време на карантинот неколкупати се сретнале тајно, што довело до аферата. Подоцна, како што тврдела, уште повеќе се зближила со таткото на кумот. Сепак, тајната излегла на виделина кога неговиот брат, по пијана вечер, се пофалил дека и тој бил со неа. Токму од него Антонио ги дознал сите детали.
Поврзани објави
Кога ја соочил сопругата со нејзините неверства, следувал пресврт: Антонио ѝ покажал фотографии на кои е со друга жена, признавајќи дека со неа е во врска веќе една и пол година – и дека имаат дете.
Додека на Катарина ѝ зборувал дека оди на работа во друг град, всушност одел кај својата љубовница и нивното дете. Тогаш двајцата сфатиле дека нивниот брак ја загубил смислата.
Седнавме и разговаравме, двајцата фрустрирани и повредени. Заклучивме дека единствено решение е разводот, бидејќи нашиот однос веќе не личеше на брак меѓу двајца луѓе што се сакаат и се почитуваат“, пренесуваат медиумите.
Приказната предизвика бурни реакции: дел од жените застанаа на страната на Катарина, правдајќи ја со тоа дека и самата била изневерена, додека други сметаа дека само го добила истото што го правела.
Текст: Убавина и здравје
