Table of Contents
Ако сакате да ослабете, јадете ги овие намирници што почесто
Летото е период кога сите си наоѓаме мани и кога сакаме брзо да ослабеме. Иако тоа не е процес што се случува од денес до утре, нутриционистите велат дека воведувањето одредени намирници во исхраната може да го забрза процесот…
Вода и сол
Важно е да се воспостави рамнотежа на водата и солта во телото, бидејќи тоа ја поттикнува правилната циркулација на лимфата, ги подобрува метаболичките процеси и го зголемува тонусот. А тоа е неопходно за симнување килограми. Потребната дневна количина на вода треба да се пресмета врз основа на 30 мл на 1 кг тежина, а сол треба да се консумира не повеќе од 1/4 лажиче дневно.
Хелда
Кашата со хелда, која е богата со влакна и сложени јаглехидрати, најдобро е да ја консумирате за време на ручекот со ‘ржан леб. Тоа ќе го забрза процесот на метаболизмот, што ја одредува брзината на согорување масти.
Грав
Ова е многу здрав производ со голема количина на антиоксиданси, како и влакна, протеини и други хранливи материи. Кога се консумира, гравот го стабилизира нивото на шеќер во крвта и ја подобрува општата благосостојба.
Леблебија
Протеините се неопходни за развој на нови клетки и за исхрана на мускулите. При слабеењето, неопходно е да ја збогатите исхраната со протеинска храна. А ако не сакате леблебии, можете да ги замените со пилешко месо, домашни јајца, грав или морски плодови. Подобро е да одбегнувате црвено месо за време на диетата.
Кисела зелка
Содржи корисни бактерии кои го подобруваат варењето, го зајакнуваат имунолошкиот систем и го поттикнуваат брзото слабеење.
Маслиново, ленено или кокосово масло
Овие масла содржат растителни масти кои учествуваат во лачењето на хормоните и ја подобруваат работата на цревата.
Поврзани објави
Артичоки
Тие се одличен извор на влакна: една готвена артичока содржи 10 г протеини, како и калциум и фолати.
Киви
Ова овошје го подобрува варењето, го нормализира метаболизмот на протеини, разградбата на масти и го поттикнува нивното излачување од организмот. Нутриционистите препорачуваат да јадете киви по главното јадење.
Ленено семе
Содржи многу влакна. Може да додадете две лажици мелено ленено семе во јогурт или каша – тоа ќе биде одличен појадок.
Бадеми
Ова е најдобрата ужина, благодарение на која нема да се прејадувате навечер.
Цимет, каранфилче, куркума, ѓумбир и други сушени зачини
Ова се одлични антиоксиданси кои помагаат во отстранувањето на слободните радикали, отпади и токсини од телото. Овие зачини ги збогатуваат клетките со кислород, како и со минерали и витамини. Антиоксидансите помагаат во борбата против депресија.
Зелен зеленчук
Многу е важно да го вклучите во исхраната, бидејќи зеленилото содржи хранливи материи кои се корисни за организмот, вклучувајќи и протеини. Зеленилото ги збогатува клетките со хлорофил, како и со витамини. Покрај тоа, за време на процесот на слабеење, тоа го алкализира телото и ја подобрува функцијата на системот за варење.
Доколку ги вклучите овие производи во вашата исхрана, процесот на слабеење ќе биде поефикасен.
