Во екот на разводот со Софија, Игор Којиќ заминал во манастирот Хиландар – таму се сретнал и со Мел Гибсон.
Синот на пејачот Драган Којиќ Кеба, Игор Којиќ, реши да се повлече од јавноста и личните турбуленции, барајќи духовен мир во манастирот Хиландар на Света Гора. Како што откриваат извори блиски до него, тој отпатувал таму токму во моментот кога го напушти неговата сопруга Софија, со која неодамна започна разводната постапка.
Според информациите, Игор се повлекол од сите и сѐ, со желба да ја „исчисти главата“ и да најде одговори на прашањата што го мачат. Посетата на Хиландар не е првпат за него – истата духовна рута ја избрал и по разводот со контроверзната пејачка Северина Вучковиќ, со која беше во брак четири години.
Поврзани објави
Интересно е што за време на престојот во Хиландар, таму бил и холивудскиот актер Мел Гибсон, што за Игор претставувало неочекуван и посебен момент. Изворот тврди дека таа случајна средба уште повеќе го инспирирала да продолжи со духовното патување.
Во една прилика, Игор Којиќ дури и го однел синот кој го има со Северина, Александар Поповиќ, на истото свето место. Очигледно е дека кога му е најтешко, токму тишината и духовноста на Света Гора му се најголема утеха и спас од секојдневниот метеж.
Printscreen Instagram sofijakaosofija
