Американскиот Сенат го прифати републиканскиот финансиски план, кој има за цел да ги задржи даночните ослободувања воведени во 2017 година за време на владеењето на претседателот Доналд Трамп и значително да ги редуцира државните трошоци.
Гласањето, кое следеше по целовечерна седница, им овозможува на републиканците да избегнат “филибастер” во Сенатот, што значи дека можат да изгласаат даночни олеснувања подоцна во текот на годината, дури и без поддршка од демократите.
Независни аналитичари тврдат дека, во случај законот да биде ратификуван, американскиот долг би можел да се зголеми за приближно пет трилиони долари во наредната декада.
Претседателот на сенатската комисија за буџет од Јужна Каролина, Линдзи Грем, предупреди дека укинувањето на даночните намалувања во 2017 година ќе има негативно влијание врз Американците. “Просечниот даночен обврзник би доживеал зголемување на данокот од 22 отсто. Четиричлено семејство со 80,610 долари, што е просечниот приход во САД, би се соочило со зголемување на данокот од 1,695 долари”, рече Греам.
Демократите предложија повеќе амандмани, вклучувајќи и такви за заштита на пензиите и здравствената грижа на ветераните, но републиканците со големо мнозинство ги отфрлија.
По прегледот на предлогот во Претставничкиот дом, планот би можел да претрпи измени, додека се очекува намалување на средствата при финализирањето на буџетскиот план.
Најспорната точка ќе биде можното кратење на Medicaid за 880 милијарди долари, на што независниот сенатор Берни Сандерс од Вермонт, кој работи со демократите, одговори велејќи дека тоа “ќе ја влоши лошата ситуација со тоа што милиони деца ќе останат без здравствена заштита”.
