Владата со едноминутно молчење ја започна вонредната седница, прогласувајќи национална жалост, додека институциите ветуваат одговорност и правда.
Владата на Република Македонија денеска донесе одлука за прогласување на седумдневна жалост низ целата земја, во чест на 59-те млади животи изгубени во катастрофалниот пожар во дискотеката во Кочани. Вонредната владина седница започна со едноминутно молчење, оддавајќи почит на загинатите, додека повеќе од 150 повредени се борат за живот во болниците.
Министерството за надворешни работи ќе отвори книга на жалост, каде граѓаните ќе можат да остават пораки на сочувство. Владата ги повика сите да се придржуваат до одлуката за деновите на жалост, предупредувајќи дека ќе следуваат ригорозни санкции за оние кои нема да ја почитуваат.
Паралелно, Државниот пазарен инспекторат е задолжен да изврши итен надзор на сите ноќни клубови, дискотеки и кабареа низ државата за да се утврди дали работат според законските стандарди. Воедно, владата активира механизам за барање меѓународна помош за справување со последиците од трагедијата.
Поврзани објави
Одговорните институции нагласија дека секој кој свесно придонел за загрозување на човечки животи ќе одговара пред законот. Никој не е над законот. Целосна истрага е во тек и правдата ќе биде задоволена, стои во соопштението.
Македонија тагува, а семејствата на жртвите, со неизмерна болка, бараат одговори и правда.
Фото: принтскрин – социјални мрежи и Јутјуб
