Американската администрација денеска објави дека ќе додели две милијарди американски долари за Обединетите нации, наменети за хуманитарна поддршка.
Оваа година, Соединетите Држави веќе ја редуцираа својата странска помош. Слични чекори презедоа и водечките западни земји-донори на ОН, како што е Германија, со цел пренамена на средствата кон одбранбените потреби. Оваа ситуација предизвика недостиг на финансии во Обединетите нации.
Генералниот директор на Канцеларијата на ОН за координација на хуманитарните работи (ОЦХА), Том Флечер, посочи дека хуманитарните операции се соочуваат со преголем притисок и недостиг на финансиски средства. Тој додаде дека, поради ова, Обединетите нации биле принудени да донесат „брутални одлуки“ за да им обезбедат помош на оние на кои им е најнеопходна.
Според соопштението од Стејт департментот, „поединечни агенции на ОН ќе мора да се адаптираат, намалат или да запрат со работа“.
