Денеска, на интернет страницата на Министерството за финансии на САД беше обелоденето дека САД вовеле нов сет на рестрикции кон Северна Кореја.
Во соопштението објавено во средата, се посочува дека Соединетите Американски Држави вовеле нови санкции поврзани со Северна Кореја.
Се дополнува дека две физички лица и две организации се додадени на листата за санкции на американската Канцеларија за контрола на странски имоти.
“Оваа акција е дел од целокупните напори на Владата на Соединетите Држави да се спротивстави на широките шеми за генерирање приходи на ДНРК (Демократска Народна Република Кореја), во тесна координација со нашите сојузници и партнери.”
Во рамки на таа соработка, Стејт департментот и министерствата за надворешни работи на Јапонија и Република Кореја денеска издадоа заедничка изјава за заканите што ги претставуваат ИТ работниците на ДНРК, се вели во соопштението.
