По голема пауза, пејачката се врати на сцената и првпат искрено проговори за болката што ја доживеала во најчувствителниот период
Пејачката Александра Пријовиќ синоќа го одржа својот прв настап по едногодишна пауза, во Бар, со што официјално се врати на сцената. Пауза направи откако по вторпат остана бремена, а речиси четири месеци по раѓањето на ќерката повторно продолжува да реди успеси.
Александра изјави дека на секој настап ќе го даде својот максимум за публиката да си замине задоволна. Таа призна дека е емотивна и дека солзите често ѝ доаѓаат спонтано, особено кога ќе се соочи со остварувањето на соништата што ги имала уште како дете. Според неа, тоа се искрени и убави емоции кои не можат да се сокријат.
Поврзани објави
Сепак, најемотивниот дел од нејзината исповед беше кога за првпат јавно откри како се чувствувала кога дознала дека е повторно бремена. Само две недели по сознанието, веста се појавила во медиумите, по што, како што вели, дури 95 отсто од луѓето престанале да ѝ се јавуваат и да ѝ испраќаат пораки.
Пејачката искрено призна дека тоа длабоко ја погодило и ја направило тажна во момент кога требало да биде најсреќна. Тогаш сфатила кои луѓе навистина остануваат, а кои исчезнуваат кога ќе се променат околностите. Иако болката била голема, Александра вели дека животот продолжува, а таа со нетрпение го очекува и новиот албум што планира да го објави следното лето.
printskrin youtube – mediabiro – pavlovic
