Приоритетот за Шукова е да се справи со отпадот: МЖСПП ќе набави контејнери за рециклирачки отпад во сите општини.

Министерката за животна средина Каја Шукова изјави дека управувањето со отпадот ќе биде главна приоритетна цел во нејзиниот мандат и дека за тоа Министерството ќе набави 7,000 контнери за рециклирање, кои ќе бидат распоредени во сите општини во целата држава. Процесот на набавка ќе потрае околу еден месец, откако ќе бидат распределени во сите општини. Исто така, оваа година Министерството за животна средина и просторно планирање планира два големи заеми во вкупна вредност од 105 милиони евра за реализација на проекти, што се дел од програмата за работа на Владата. Тоа вклучува изградба на системи за канализација и водоводи, како и набавка на опрема за изградба на трансфер станици и централни депонии. Министерката Шукова истакна дека на општините ќе бидат доделени контејнери за предселекција и дека ќе биде спроведена кампања за зголемување на свеста за управувањето со отпадот. Она што е поважно е тоа што треба да се преземат чекори не само од државата, туку и од единиците на локалната самоуправа за да се решат проблемите со околината.