Мистериозен човек бил виден во друштво на принцезата Кејт, но кој е тој всушност?
Има настани што Кејт Мидлтон не ги пропушта под ниту едни околности, а еден од нив е Вимблдон. Турнирот од серијата Гранд слемови заврши во Лондон на 13. јули со финале во машки сингл, а принцезата од Велс традиционално му врачи пехар на победникот Јаник Синер.
Кејт Мидлтон целиот натпревар го гледала во кралската ложа, каде што друштво ѝ правеле децата, принцезата Шарлот и принцот Џорџ, како и сопругот, принцот Вилијам. Подоцна, корисниците на социјалните мрежи забележале дека идниот крал изгледал многу елегантно дента, но се трудел да остане во сенка.
Имено, Кејт била вистинската ѕвезда на Вимблдон и сопругот ѝ овозможил да заблеска во полн сјај. Од 2016 година, принцезата од Велс е покровителка на Сенаглискиот клуб за тенис на трева и крикет, а освен што обожава да гледа тенис и внимателно ги следи успесите на британските спортисти, и самата Кејт игра понекогаш.
Kate Middleton’s ‘silver fox’ private secretary leaves royal fans swooning as he makes a fleeting appearance at Wimbledon https://t.co/sQV5xGWLR6
— Daily Mail US (@Daily_MailUS) July 13, 2025
Додека Вилијам се обидувал да не привлекува внимание, сите погледи биле вперени во друг маж кој ја придружувал Кејт. Покрај неа на натпреварот бил забележан Том Вајт, личен помошник на принцезата, кој низ годините ѝ станал многу близок. Во минатото, Том ретко се појавувал на заеднички фотографии со принцезата, бидејќи неговата позиција не подразбира појавувања во јавност. Сепак, сега може да се каже дека неговата мисија да остане незабележан пропаднала, бидејќи и тој стекнал свои обожавателки.
Поврзани објави
Корисничките на Интернет истакнуваат дека Том Вајт изгледа неверојатно привлечно. Веќе го доби прекарот „сребрен лисец“, поради белите влакна. Исто така, се чини дека на некои фотографии помошникот ѝ упатува многу двосмислени погледи на Кејт.
Кој е всушност Том Вајт?
Познато е дека е вработен во Бакингемската палата од 2020 година и дека на почетокот ѝ бил личен коњушар на покојната кралица Елизабета Втора. Пред тоа служел во Авганистан и добил неколку престижни награди откако успеал да спречи експлозија во училиште во провинцијата Хелманд. Со Кејт Мидлтон и принцот Вилијам почнал да работи во 2023 година и набрзо бил унапреден во личен помошник на принцезата. На таа функција ја заменил Хана Кокберн Логи.
Хана ѝ била десна рака на Кејт 6 години, а пред тоа речиси 20 години работела во Министерството за надворешни работи. Своевремено објаснила дека нејзиното напуштање на должноста се должи на лични причини, но одредени извори откриле дека смртта на кралицата Елизабета Втора била претежок удар за Хана. Во тој период се шпекулирало дека Хана, наводно, се заминала од должноста поради грубото однесување на Кејт Мидлтон. Но тие гласините брзо ги демантирале други членови на послугата на принцезата, истакнувајќи дека Кејт секогаш се однесувала со почит кон вработените.
ФОТО: Инстаграм, Х
