Table of Contents
И во деветтата деценија од животот, славниот актер го одржува активниот животен стил и продолжува да работи со полна пареа. Пред повеќе од две децении, кај него бил откриен рак на простатата, но болеста била дијагностицирана во рана фаза.
Роберт де Ниро, кој се занимава и со бизнис во областа на недвижностите и со години е косопственик на хотелски синџир, редовно вежба. Според наводите во текстот, неговите тренинзи вклучуваат комбинација од вежби за сила, кардиотренинг и истегнување, но и вежби со кои се намалува ризикот од повреди.
Актерот тренира меѓу три и шест пати неделно, а како најважен дел од својот пристап кон физичката активност ја издвојува токму континуираноста.
За мене, клучот на вежбањето е доследноста“, рекол во интервју за BBC Radio.
Внимава и на тоа што јаде
Покрај тренинзите, де Ниро посветува внимание и на исхраната. Неговото мени се темели на едноставни и хранливи намирници, а настојува да избегнува преработена храна и големи количества шеќер. Меѓу намирниците што најчесто ги избира се свежа риба, варен зеленчук, интегрален ориз и производи од цели зрна. Својот однос кон исхраната своевремено го објаснил со едноставен совет:
Нема потреба да се комплицира. Важно е да го храните телото така што ќе може добро да функционира.“
Поради филмските улоги ја менувал тежината и заработил повреда
Де Ниро во текот на својата долгогодишна кариера повеќепати поминувал низ сериозни физички трансформации поради филмските улоги. За ликот на Џејк Ла Мота во култниот филм „Разјарениот бик“ се здебелил повеќе од 25 килограми, а потоа морал повторно да ги изгуби.
Години подоцна, за време на работата на филмот „Убиствата под цветната месечина“, доживеал посериозна повреда на мускулот на натколеницата. Повредата се случила за време на снимањето во 2021 година, а актерот тогаш интензитетот на болката го опишал како „незамислив“.
Поврзани објави
Сепак, истакнал дека состојбата била „под контрола“ и дека проблемот не ја нарушил значително продукцијата на филмот.
Ракот на простатата бил откриен при рутински преглед
Еден од посериозните здравствени предизвици со кои се соочил де Ниро се случил во 2003 година, кога му бил дијагностициран рак на простатата.
Болеста била откриена кога актерот имал 60 години, и тоа за време на рутински прегледи. Дијагнозата била поставена благодарение на PSA-тестот, со кој во крвта се одредува нивото на простат-специфичниот антиген. Бидејќи ракот бил откриен во рана фаза, прогнозите тогаш биле многу добри.
Лекарите очекуваат целосно закрепнување“, изјавил тогаш агентот на актерот.
Агентот навел и дека де Ниро се лекувал во њујоршкиот онколошки центар Memorial Sloan Kettering, каде што примал хормонска терапија.
Самиот актер јавно не изнесувал многу детали за својата болест. За дијагнозата не зборувал ниту преку официјални соопштенија ниту преку социјалните мрежи, а за разлика од некои други познати личности, искуството со болеста не го претворал во дел од својот јавен или хуманитарен ангажман.
И покрај здравствените предизвици со кои се соочувал низ годините, де Ниро продолжил да работи, да тренира и да го одржува темпото на живот карактеристично за неговата повеќедецениска кариера.
Фото: Инстаграм
