Почетна ЕкономијаПочина охридскиот стопанственик Бошко Илоски – имаше 63 години

Почина охридскиот стопанственик Бошко Илоски – имаше 63 години

од nenad
1 минути читај за

Охридската бизнис-заедница денеска остана без еден од своите познати претставници. На 63-годишна возраст, по кратко боледување, почина Бошко Илоски, во јавноста познат како Бошко Ремис.

Илоски е роден на 23 јануари 1963 година, а зад себе остави долгогодишна деловна кариера, поврзана пред сè со стопанството во Охрид. Неговата работа опфаќаше повеќе области, меѓу кои градежништвото, туризмот и угостителството.

Пошироката јавност го препознаваше по компанијата „Ремис“, но и по неговата поврзаност со туристичките и хотелско-угостителските капацитети во градот. Меѓу нив е и познатиот комплекс „Инекс Горица“, кој со години е едно од препознатливите имиња во охридскиот туризам.

Неговото заминување претставува загуба за локалната деловна средина, во која со години беше присутен преку своите бизнис-активности.