Еден од најголемите писатели и поети од Бразил, Карлос Друмондо де Андраде имал толку близок однос со ќерка му што не издржал ни 12 дена по нејзината смрт
Еден од најголемите писатели и поети од Бразил, Карлос Друмондо де Андраде, имал 26 години кога ја добил ќерката Марија Жулиета, со која изградил врска каква што ретко се гледа помеѓу татко и ќерка.
Андраде длабоко ја сакал својата ќерка, со која изградил богат, но комплициран однос.
„Таа му беше голема интелектуална пријателка“, рекол неговиот зет Октавио Мело Алваренга, исто така писател.
Сепак, признал и дека Карлос Андраде „ја задушил нејзината личност како интелектуалка и писателка“ и додал:
„Неподносливо е да се биде ќерка на гениј“.
Можеби затоа Марија Жулиета на 21 година стапила во брак со 20 години постариот аргентински адвокат и писател Мануел Гран Ечеверие и се преселила во Буенос Аирес, каде што живеела 34 години.
Поврзани објави
И покрај физичката оддалеченост, таткото и ќерката со децении го одржувале ритуалот на размена на писма секоја сабота, раскажувајќи си за малите и големите работи што им се случиле во текот на неделата. По смртта на Жулиета, Андраде размислувал да ги уништи сите преписки, но зет му го убедил да ги зачува.
Тие интимни писма послужиле како основа за театарскиот монолог „Писмата на Марија Жулиета и Карлос Друмондо де Андраде“, кои во 2012 година го извела актерката Сура Бердичевски, откривајќи ѝ ја на публиката нежната и силна врска меѓу таткото и ќерката.
Во 1987 година, Марија Жулиета починала на 59-годишна возраст од рак. Нејзината смрт била фатална за Андраде, кој тогаш имал 84 години. На погребот му се доверил на пријател: „Мојот живот заврши.“
12 дена подоцна, на 17. август, поетот доживеал ненадеен срцев удар. Неговата докторка, кардиологот Елизабет Виан де Фреитас одбила да користи стручни термини кога ја опишувала причината за смртта:
„Карлос Друмонд де Андраде умре од љубов.“
Бил погребан покрај својата ќерка, на гробиштата Сао Жоао Батиста во населбата Ботафого во Рио де Жанеиро, со што завршила една од најтрогателните приказни во бразилската книжевност.
ФОТО: Пинтерест
