Потпишување на меморандум за соработка помеѓу Пакомак и Федерацијата за планинарство за заштита на животната средина.

Потпишан е меморандум за соработка помеѓу Федерацијата за Планинарство (ФПСМ) и Пакомак за заеднички активности на долгорочни стратегии за заштита на животната средина во Македонија. Ова партнерство има за цел да ја зголеми еколошката свест и одговорност на граѓаните кон околината, и да ја спречи загадувањето со отпад, да се оддржуваат планинарските патеки, да се очуваат планините и да се пошумува. Извршниот директор на Пакомак, Филип Ивановски, изјави дека иако се различни организации, имаат заедничка цел да ја зачуваат природата на Македонија и да градат здрави еколошки животни навики на граѓаните.