Освен што посниот грав е многу здрав, многу лесно се приготвува
Ако постите, можете да го сварите гравот на вода, без да го динстате на масло, но ние ви предлагаме рецепт за традиционален посен грав на масло…
Состојки:
- 500 г грав
- 2 главици кромид
- 1 морков
- 1 пашканат
- половина целер
- 1 свежа зелена пиперка
- сол и бибер
- малку масло
- 3 лаврови листа
- свеж магдонос
- 3 чешниња лук
Поврзани објави
Приготвување:
Потопете го гравот ден претходно во тенџере со вода. Утредента, процедете го гравот и добро измијте го. Потоа, во лонецот ставете малку масло (2 лажици), па продинстајте кромид, рендан морков, целер и пашканат. Кога сето тоа ќе се продинста, додајте го измиениот грав, сол и бибер и сипете вода, за да се свари.
Ставете 3 лаврови листа и 1 свежа зелена пиперка. Пред крајот на готвењето, додајте ситно сечкан лук и извадете ја пиперката од тенџерето. Ставете што повеќе свеж магдонос, а лавровиот лист можете да го извадите од лонецот.
ФОТО: Grooveland Designs / Pixabay
