Ѕвездата на Дизни-сериите, Деми Ловато (31), помина низ трнлив животен пат, исполнет со пороци и лоши избори, кои се рефлектираа на нејзиниот физички изглед, но и здравјето. Сепак, таа успеа да ги остави проблемите зад себе и сега се чувствува и изгледа совршено. Нејзиниот живот го обележаа насилство, дрога, алкохол и несреќна љубов.
Деми Ловато помина низ разни животни фази што влијаеја на квалитетот на нејзиниот живот, но и на нејзиниот изглед. Луѓето ја паметат како згодна и талентирана бринета, сепак, бурниот живот остави последици врз неа – се здебели до непрепознатливост.
Кога конечно реши да го среди својот живот и да се смири, повторно се најде во фокусот на јавноста.
Минатата година, пејачката ја подели среќната вест дека момчето Џордан Лутс ѝ предложило брак. Инаку, Деми се бореше против зависноста од дрога и алкохол со години.
Во јули 2018 година, поп-ѕвездата беше пронајдена во несвест во својот дом во Лос Анџелес, само еден месец откако откри дека ја прекршила трезвеноста.
Поврзани објави
Помина две недели во болницата, а потоа на клиниката за одвикнување. Таа, исто така, се бореше против депресијата, како и со нарушување во исхраната за кое рече дека е резултат за сè што направила.
Се обидов да му кажам на светот дека сум среќна со себе, што не беше точно. Живеев во лаги. Многу е тешко кога живеете опкружени со луѓе кои ви кажуваат како треба да изгледате – зборуваше еднаш пејачката.
Деми едвај преживеала, таа имала три мозочни и еден срцев удар, а потоа, цврсто одлучила да го преземе кормилото на животот во свои раце и да се излекува. Неодамна, во документарниот филм за својот живот пејачката откри дека била сексуално злоупотребена како тинејџерка. Никогаш не ги криела своите проблеми, а еден од нив е поврзан со нејзиниот татко Патрик, кој вршел насилно над неа и над нејзината мајка.
Фото: Инстаграм
