Пазарџии во Ченто претепаа малолетник кој украде тренерки од тезга

Неколку граѓани претепаа малолетник крај затворениот пазар во населбата Ченто во Скопје откако тој се обиде да украде тренерки од една од тезгите.
Момчето разгледуваше по тезгите и во еден момент грабна тренерки и почна да бега. Продавачите од пазарот и неколку минувачи го фатија и почнаа да го тепаат со тупаници и клоци.
Еден од минувачите ги оттргна од момчето и ги предупреди дека не смеат да тепаат малолетник и треба да пријават прво во полиција.