Обвинителството за гонење на организиран криминал и корупција отвори постапка за случајот со тетовската модуларна болница, објасни денеска во изјава за медиумите министерот за правда, Кренар Лога.
– Како што веќе знаете има еден предмет во Основен суд во Тетово кој ја има добиено првата пресуда, вториот предмет е во ОЈОГОКК во Скопје, а јас имав средба и со шефот на тоа јавно обвинителство. Предметот е во предистражна постапка и верувам дека во следните денови и недели и од таму ќе имаме некоја разрешница, затоа што како што ме инфрмираше Јавниот обвинител, а и Обвинителот од ОЈОГОКК имаат некои постапки што верувам дека за неколку недели ќе имаме разрешница, рече министерот во изјава за медиумите.
