Капутот на принцезата Кејт е вистински одраз на префинетиот вкус, а може да се најде и во домашни продавници за поевтин износ
Принцезата од Велс, Кејт, со години ги инспирира жените ширум светот со својот одмерен и елегантен стил. Овој пат акцентот бил на долгиот сив капут, кој е вистински моден класик.
За време на ладниот есенски ден во Лондон, принцезата од Велс се одлучила за макси-капут во неутрална сива нијанса со широки ревери, кој го искомбинирала со свилена блуза во розова боја и елегантни панталони во сива нијанса. Едно внимателно одбрано парче може да биде основата на целиот стајлинг, а тоа се гледа од примерот на принцезата од Велс. Сивата боја е неутрална, но воопшто не е здодевна. Таа овозможува безброј комбинации и дава доза на префинетост во секоја пригода.
Поврзани објави
Капутот како олицетворение на класиката
Она што го издвојува овој модел е неговата безвременост. Долгиот волнен капут е парче што се носи со децении, без оглед на модните трендови. Кројот со нагласени раменици и опуштена силуета создава совршена рамнотежа помеѓу класичното и модерното. Токму тоа го прави идеален и за секојдневни прошетки и за деловни пригоди.
Добрата вест за сите жени што се инспирираат од нејзиниот стил е тоа што слични, дури и исти модели, може да се најдат и кај нас. Брендовите во Македонија нудат варијанти во сива, кафена и бордо нијанса, така што изборот е голем и приспособлив на различни вкусови.
Особено популарни се долгите капути од брусена волна или мешавините со кашмир, кои даваат и топлина и луксузен изглед.
Во домашните бутици може да се пронајдат еднакво елегантни верзии по значително пониски цени, што докажува дека стилот не мора да биде резервиран само за луѓето со поголем буџет.
