Наставниците и стручните соработници од нашите училишта веќе посетуваат обуки за препознавање, решавање и превенирање на врсничкото насилство што е еден од суштинските проблеми во општеството и проблем кој не смее да се игнорира.
Професорката Татјана Стојаноска Иванова од Институт за социологија при Филозофскиот факултет, еминентни универзитетски професори во соработка со Здружението „Европски соѕвездија“ пред нашите наставнички алармираше за проблематичното однесување на младите вклучувајќи го и сајбер насилството и сподели механизми како истото да се препознае и превенира. Општина Центар се грижи за својата иднина. Вложувајќи во континуирана едукација на образовниот кадар, вложува во подобро утре и иднината на генерациите по нас.
