Ако сте ги надминале овие години, треба да обрнете посебно внимание
Овие откритија не се тука за да нè исплашат, туку за да нè мотивираат. Стареењето е природен процес, а со малку знаење и свесност, можеме да го направиме грациозен и ја одржиме младешката искра во секоја фаза од животот. Запомнете, грижата за себе не е луксуз, туку најдобрата инвестиција што можете да ја направите.
Дали некогаш сте се запрашале зошто понекогаш се чувствувате како „одеднаш“ да сте остареле? Науката сега ни дава интересен одговор на тоа прашање. Новото истражување покажало дека процесот на стареење на нашето тело не е линеарен – всушност, постојат два клучни момента во животот кога се чини дека стареењето се забрзува.
Според истражувањето објавено во списанието Nature Aging, човечкото тело поминува низ два значајни „скока“ во стареењето: околу 34. и 60. година во животот. Научниците го откриле тоа со анализа на специфични протеини во крвта, кои служат како биомаркери за проценка на стареењето.
Што се случува во тие години?
Истражувачите објаснуваат дека овие „точки на забрзување“ може да бидат поврзани со големи биолошки промени. Во раните 30-ти години, телото почнува да ги чувствува првите посериозни знаци на забавување на метаболизмот, хормонски промени и опаѓање на регенеративните способности. Со други зборови, она што дотогаш сте го земале здраво за готово – како енергијата и мазната кожа – сега може да ви претставува предизвик.
Поврзани објави
Од друга страна, 60-тите години носат значајни промени поврзани со стареењето на имунолошкиот систем и регенерацијата на клетките на мозокот. Во овој период многу луѓе забележуваат подлабоки брчки, побавно закрепнување по болест и генерално ослабена виталност и помнење.
Што можете да направите?
Иако не можеме да го одбегнеме стареењето, ова истражување нè потсетува колку е важно да се грижиме за себе. Здравата исхрана, редовната физичка активност и правилното управување со стресот се клучните алатки за забавување на ефектот на стареењето. Исто така, од 30-тите години па натаму, размислете за тоа да ја збогатите вашата рутина со производи богати со антиоксиданси и хидратантни состојки, кои ја поттикнуваат регенерацијата на кожата.
А во 60-тите? Никогаш не е доцна да инвестирате во квалитетна нега која ја храни зрелата кожа и ја зајакнува нејзината заштитна бариера против надворешни влијанија. Исто така, додатоците во исхраната, како колаген или омега масни киселини, можат да направат чуда за одржувањето на здравјето однатре.
ФОТО: kevin laminto / Unsplash
