Денес се навршуваат четири месеци од смртта на естрадниот маг Саша Поповиќ, кој по деветмесечна борба со тешката болест го загуби животот во болница во Париз. Неговата сопруга, пејачката Сузана Јовановиќ, сè уште не се помирува со реалноста дека него веќе го нема. По трагедијата, таа целосно се повлече од јавноста.
И покрај тешкиот емотивен товар, Сузана Јовановиќ собра сила и се појави на финалето на „Ѕвездите на Гранд“ – емисија што имаше посебно значење за нејзиниот починат сопруг. Финалето почна на 28 јуни, но поради прекин во програмата ќе продолжи на 5 јули.
Пред присутните медиуми, Сузана ја откри болната вистина за нивната последна средба – миг кој засекогаш ќе ѝ остане врежан во душата.
Поврзани објави
Нашата последна средба беше покрај неговиот болнички кревет. Бев покрај него до последниот здив. Сега сигурно ќе ми се налути што плачам… Го гледав човекот што си заминува, свесен дека оди на оној свет… Плачев, а тој, во целата болка и свесност за крајот, ми рече: „Суле моја, не плачи. Биди храбра, силна и достоинствена.“
Многу беше тешко да се гледа и доживее такво нешто. Но, за нас тешкотијата започна во моментот кога дознавме дека е болен. Верував дека ќе оздрави… – изјави низ солзи Сузана Јовановиќ.
Иако нејзината болка е сè уште свежа, таа со достоинство говореше за човекот кој ѝ беше љубов, поддршка и животен сојузник. Сцените од таа исповед ја потресоа јавноста и повторно го отворија прашањето за тоа колку љубовта може да биде и болка, и лек.
