Table of Contents
Таа не го занемарува стилот што и да прави во текот на денот
Амал Клуни, пред сѐ, е позната како успешна британска адвокатка, а потоа и како сопруга на познатиот актер Џорџ Клуни. И покрај тоа што решава сериозни меѓународни правни прашања, таа не заборава на својот стил и секогаш изгледа неверојатно.
Вреди да се научи нешто од неа, особено ако работниот дрескод ви налага да носите поделовна облека.
Маица – основното парче за во канцеларија
Едноставната маица одамна престана да важи за елемент на спортскиот стил. А Амал често ја клопува во деловни изданија, со јакна или сако одозгора, понекогаш и без ништо. Резултат е деловна, а истовремено лежерна и удобна комбинација.
Светол комплет
Кога невозможно е да се истакнете со помош на парчињата облека, тука се разновидните бои. Интензивно црвена, жолта или кралско син костим со панталони за работниот ден – зошто да не?! Сите формалности се испочитувани, а не постојат ограничувања што се однесува до боите.
Волуменозната торба е вистинската чанта за една деловна дама
Поврзани објави
Пликот или минијатурната чантичка не се вклопуваат секогаш во деловниот изглед, а не се ни практични. Амал Клуни со право верува дека торбата треба да собере сѐ. И тоа воопшто не ѝ го нарушува стилот, напротив му дава доза на уникатност.
Костимот е најдобриот класик
Гардеробата на деловната дама не е целосна без ова модно парче. Амал Клуни има костими во различни бои и стилови за сите работни пригоди. На пример, елегантен твид во стилот на Шанел или светол, погоден за посебни настани и вечери со деловните партнери.
Може дезени, но внимателно
Канцеларискиот стил не ги исклучува дезените: животинските, цветните и сите други дезени се прифатливи, не само карираните. Амал Клуни често носи шарени костими, но се обидува да одбира придушени нијанси. Така, ништо нема да го наруши деловниот кодекс на облекување.
Потпетиците се задолжителни
Напорниот работен ден честопати негативно влијае врз здравјето. Нозете се заморуваат поради напорниот распоред, а уште и ако носите лоши обувки… Амал Клуни не се откажува од потпетиците, но одбира стабилни и удобни модели. Препорачуваме да го следите овој пример.
ФОТО: Инстаграм
