За време на втората официјална посета на американскиот претседател Доналд Трамп во Велика Британија, беа претставени американски вложувања во вкупна вредност од 150 милијарди фунти.
Како резултат на дотокот на средства од значајни американски корпорации, околу 7.600 “висококвалитетни” позиции ќе бидат отворени во Обединетото Кралство, информираа од британската влада.
Британскиот премиер Кир Стармер ја поздрави најавата за инвестициите, која се случи еден ден пред неговата средба со Трамп.
Меѓу корпорациите кои најавуваат вложувања во Велика Британија е и фирмата за управување со имот Блекстоун, која ќе вложи 90 милијарди фунти, надополнувајќи ги претходно објавените 10 милијарди фунти за развој на дата центри. Дополнителни фирми кои инвестираат се и инвестициската куќа Прологис со 3,9 милијарди фунти и софтверската компанија Палантир со 1,5 милијарди фунти.
Во меѓувреме, при средбата со Трамп во замокот Виндзор претходната вечер, британскиот крал Чарлс Трети го пофали американскиот претседател за неговата “лична посветеност” во напорите да се стави крај на судирите низ светот.
мс/фото: ЕПА .
Извор: МИА
