Ви ги откриваме двата најмоќни модни совети на Валентино Гаравани
Смртта на Валентино Гаравани го означи крајот на една епоха во која елеганцијата имаше јасни и цврсти правила, но и длабока почит кон жените. Иако неговиот живот бил исполнет со раскошни замоци и дијаманти, неговата филозофија за женската убавина се состоела од само две реченици.
Ако сакате да изгледате како милион долари, еве што порачал модниот могул…
1. „Сакам едноставни работи“
Иако неговите креации вредат цело богатство, Валентино секогаш тврдел дека едноставноста е клучна. За него, елеганцијата немала никаква врска со натрупувањето накит или кичести детали.
„Сакам едноставни работи“, велел човекот кој ги има создадено најкомплицираните кроеви на светот.
Неговата порака е јасна. Чисти линии, совршен крој и отсуство на вишок детали – тоа ја претвора жената во дама. Ако не сте сигурни што да облечете, одберете го она наједноставното. Тоа е единственото правило што никогаш не излегува од мода.
Поврзани објави
2. Строга забрана
Иако бил заговорник на едноставноста, Валентино бил немилосрден кога станувало збор за бонтонот за вечерно облекување. Едно нешто никогаш не им го простувал на жените, а тоа е погрешната должина на свечена тоалета.
„Вечерниот фустан што ги открива женските глуждови додека таа чекори е најодвратното нешто што некогаш сум го видел“, изјавил Валентино и со тие зборови го поделил модниот свет.
За него, долгиот фустан бил свето нешто. Ако фустанот е вечерен, мора да покрива сè. Тој сметал дека во моментот кога фустанот ќе отскокне и ќе го покаже глуждот додека жената чекори, се губи сета магија, мистика и гламур. Тоа за него било врвот на невкусот и доказ дека жената не знае да носи формални фустани.
Пораката на експертот е јасна: Ако сакате да бидете кралица на вечерта, вашиот фустан мора да го бакнува подот. Сè друго, според зборовите на модниот маг, е недозволиво.
