На ревијата на „Викторија Сикрет“, Наталија Брајант првпат го покажала својот стил, додека мајка ѝ била со неа во овој посебен момент
Наталија Брајант, ќерка на легендарниот кошаркар Коби Брајант и Ванеса Брајант, дебитирала на познатата ревија на „Викторија Сикрет“, а нејзиниот голем момент од публиката го следела мајка ѝ.
Традиционалната ревија на брендот „Викторија Сикрет“ оваа година приреди неколку големи изненадувања. Покрај добро познатите имиња како Џиџи и Бела Хадид, Алесандра Амброзио и Адријана Лима, на пистата се појавиле и некои нови лица, меѓу кои била и Наталија Брајант (23).
Ќерката на покојниот кошаркар Коби Брајант и неговата сопруга Ванеса си го остварила сонот што долго го посакувала – првпат прошетала на пистата на ревија на „Викторија Сикрет“.
Деби во розово издание
Наталија прошетала на пистата во рамките на сегментот PINK, а за оваа пригода носела црн, украсен градник, краток розов кардиган и фармерки покриени со светкави камчиња.
Кога се појавила на пистата во студиото Сони во Калвер Сити, Калифорнија, ја пречекале овации од публиката.
Поврзани објави
За Наталија овој настап не бил само уште еден моден ангажман. Таа открила дека ги следела ревиите на „Викторија Сикрет“ уште од детството и дека ѝ било особено важно токму сега да се најде на таа писта.
За да се подготви што подобро за големиот момент, повторно гледала снимки од претходни ревии.
Веќе соработувала со „Викторија Сикрет“
Иако ова ѝ бил првиот настап на пистата, Наталија не соработувала сега првпат со брендот. Таа се појавила во есенската кампања за PINK уште во 2024 година.
Посебно емотивен детаљ бил тоа што нејзината мајка Ванеса Брајант дошла да ја поддржи додека го остварувала својот голем сон.
Коби Брајант, кој трагично настрадал во 2020 година во пад на хеликоптер, не дочекал да го види овој момент на својата ќерка, но Наталија уште еднаш покажала дека успешно ги гради сопствениот пат и кариера.
ФОТО: Инстаграм
