Summarize this content to 100 words
Мароканската принцеза Лала Салма прво исчезна од јавноста во 2017 година, а потоа во 2019 година се појави во официјална посета само за да докаже дека е жива, но оттогаш ѝ се губи секаква трага.
Сопругата на мароканскиот крал Мохамед, принцезата Лала Салма, немала службени обврски од 2017 година, а цели две години никој не знае каде се наоѓа. По нејзиното исчезнување, се појавија различни шпекулации.
Кралското семејство е табу-тема во мароканските медиуми, па тамошните новинари не се ни осмелија да прашаат каде е принцезата и зошто исчезна од очите на јавноста.
Разговарав со пријателите во Мароко, ми рекоа дека Лала веројатно ќе добие одредена сума пари и дека ќе биде отстранета од очите на јавноста. Но ништо не е сигурно… тоа е многу тешка ситуација, истакна шпански новинар.
Свое мислење дадоа и Андреа Мори и неговата колешка Нети Лејстра:
Лала имаше тешка задача – да биде првата „видлива“ сопруга на марокански крал, тука настана голем процеп. Сепак, таа направи некои одлични работи и роди две деца. Отсекогаш мислев дека добро помина. Верувам дека ќе добие пари и голема убава куќа и се’ што ѝ треба за да не каже ништо за тоа. Но сето тоа е прилично тажно ако е вистина.
Во 2018 година, списанието „Хола“ напиша дека таа се развела со сопругот, но палатата тоа никогаш не потврди или демантира.
Се шпекулираше и дека избегнала во Америка или на грчкиот остров Кеа со помалата ќерка, принцезата Лала Кадија, а се шпекулираа и дека живее во Рабат. Ништо од тоа никогаш не е потврдено.
