Пејачката искрено проговори за тешката година зад себе, загубата на сестрата и утехата што ја пронашла во улогата на баба
Пејачката Мира Шкориќ откри дека улогата на баба за неа е најубавата што животот може да ја подари. Таа со посебна емоција зборуваше за синот на својот сестрич, за кого вели дека е нивниот „дар од Бога“ и најголемата утеха по тешката загуба што ја доживеала минатата година.
Мира минатата година остана без својата родена сестра, која почина по тешка болест. Болката и тагата, како што вели, најмногу ги лекува токму преку времето поминато со малото дете, кое денес има 16 месеци. Таа призна дека иако болката никогаш целосно не исчезнува, љубовта кон детето ѝ дава сила и смисла.
Поврзани објави
Осврнувајќи се на 2025 година, пејачката истакна дека професионално тоа била една од нејзините најуспешни години, со многу настапи и позитивна енергија. Сепак, на приватен план, таа посака оваа година што побрзо да заврши, надевајќи се дека наредниот период ќе донесе мир, љубов и меѓусебна почит.
Шкориќ најави дека публиката може да очекува и нови песни и спотови, бидејќи веќе активно работи во студио. Таа додаде дека би сакала на естрадата да има повеќе простор за млади и талентирани луѓе, кои заслужуваат шанса да го покажат својот потенцијал и да засветлат со полн сјај.
printskrin youtube – boki 13 – mira skoric
