Телевизискиот водител Огњен Амиџиќ денес има голема причина за славење – неговата сопруга Мина се породи и на свет донесе девојче, со што тој по третпат стана татко.
Породувањето било извршено во приватна клиника и, според првичните информации, сè поминало во најдобар ред. И мајката и бебето се чувствуваат одлично, а лекарскиот тим дал највисоки оценки за текот на породувањето.
Среќниот татко накратко се огласи за pink.rs, откривајќи колку е возбуден поради новиот член во семејството:
„Пресреќен сум! Сè помина како што треба. Мина и бебето се супер. Со нетрпение чекам сите заедно да бидеме дома.“
Поврзани објави
Огњен и Мина веќе го имаат синот Перун, чие име предизвика бројни реакции и коментари во јавноста. Од првиот брак со манекенката Данијела Димитровска, Амиџиќ го има и синот Матија.
Засега, парот не открива како ќе се вика нивната ќерка, а како што велат блиски извори, овојпат сакаат името да го задржат само за себе – барем уште некое време.
