Пејачката со жежок дует и освежена верзија на „Кидаш ме“ повторно ја разбуди емоцијата кај публиката
Пејачката Милица Павловиќ повторно е во центарот на вниманието откако објави провокативен визуализер за старата, но освежена песна „Kidaš me“. Во новата верзија ѝ се придружува нејзиниот колега и долгогодишен пријател Небојша Војводиќ, со кого создадоа енергичен и емотивно набиен дует.
По три години откако целосно ја избриша песната од дигиталните платформи, и шест години од нејзиното оригинално објавување, Милица реши повторно да ѝ даде живот поради големиот притисок од фановите. Новата верзија носи помодерен звук и визуелен израз, а денес точно напладне стана достапна на сите стриминг-сервиси.
Премиерно, визуализерот беше прикажан без најава на нејзиниот солистички концерт „Kraljica juga 2“ во Ниш, каде публиката реагираше со воодушевување уште на првите тактови. Присутните гласно го пееја рефренот, а појавувањето на Војводиќ беше поздравено со силен аплауз и коментари дека нивните гласови совршено се надополнуваат.
Поврзани објави
Посебно внимание на социјалните мрежи привлече последната сцена, во која Милица, облечена во бордо кожен комплет, притиска копче „delete“ на тастатура. Многумина тоа го протолкуваа како симболична порака и директна алузија на бришењето на претходната верзија од 2018 година, што дополнително ја вжешти јавната дебата околу оваа песна.
printskrin youtube – alo rs -milica pavlovic
