Table of Contents
Нивната приказна почнала во 2022 година на Tinder. Зена Вознијак (37) од Лос Анџелес мислела дека Чарли, Британец кој тогаш престојувал во Сан Франциско, би можел да стане нејзин животен партнер. Наместо љубовната приказна што ја замислувала, таа завршила сама во неговиот стан во Лондон, без доволно пари и повеќе од 8.000 километри далеку од својот дом.
Своето искуство го опишала во опширен есеј што привлече големо внимание на интернет, пишува New York Post.
Бев целосно скршена и само плачев. Тие шест недели низ Европа ги планирав поради него, а на крајот се покажа дека само сум ги изгубила парите“, раскажала Вознијак, која работи како лична асистентка.
Љубовта започнала на Tinder
Вознијак ја објавила својата исповед на платформата Substack, под наслов „Одлетав во Лондон поради маж. Ме остави во својот стан“, опишувајќи колку емотивно и финансиски вложила во односот со Чарли.
Британецот, кој во тој период живеел во Сан Франциско, го опишала како самоуверен маж кој обожавал караоке и пушел. Толку ја привлекол што измислила причина за патување само за да може да го види.
По неколку средби во Калифорнија, меѓу кои и заедничкиот излет во Палм Спрингс, поверувала дека врската може да прерасне во нешто посериозно. Со негова согласност отпатувала во Велика Британија, трошејќи дел од својата заштеда.
Планирала десет дена да помине со него во Лондон, а потоа да продолжи низ Европа, каде што однапред резервирала сместување и превоз.
Резервирав места што изгледаа како совршени за меден месец, без можност за враќање на парите. Едното беше на рид во Фиренца, другото покрај море во Грција. Купив авионски и железнички билети“, напишала.
„Мислев дека ја живеам големата љубовна приказна, нешто магично, но сè се претвори во катастрофа.“
Наместо романтичен пречек, ја дочекало раскинување
Кога пристигнала во Лондон, наместо продолжение на заедничкиот одмор, ја дочекала неочекувана вест.
Само неколку минути по нејзиното пристигнување, Чарли ѝ кажал дека не сака да ја продолжи врската.
Не ми е добро. Навистина не ми е добро, Зена“, ѝ рекол, објаснувајќи дека е под голем работен притисок и дека дополнително го погодила средбата со поранешната девојка.
Бидејќи немала доволно пари за хотел и немала кому веднаш да му се обрати, останала во неговиот стан. Чарли ѝ кажал дека ќе спие на друго место додека таа да најде решение. Ситуацијата добила дополнително понижувачки пресврт кога преку локацијата на Tinder видела дека Чарли отпатувал токму на патувањето што првично требало да го поминат заедно.
Имав чувство како да се движам низ станот без никаква врска со самата себе. Се погледнав во огледалото и личноста што ја видов ми изгледаше како целосен странец“, напишала.
Неколку дена плачела во неговиот стан, обидувајќи се да сфати што се случило. На крајот му се јавила на пријател од факултетот, кој ѝ понудил сместување. Бидејќи поголемиот дел од резервациите не можела да ги откаже, продолжила сама и ги посетила Италија, Грција и другите места што претходно ги испланирала.
Разочарувањето ѝ го променило погледот кон љубовта
Поврзани објави
Вознијак признава дека искуството долго ја болело, но со текот на времето ѝ го променило односот кон љубовта и кон сопствениот живот.
Две години потоа бев тажна и лута. Мислев дека вистинската љубов можеби едноставно не е за мене“, рекла.
И понатаму користи апликации за запознавање, меѓу кои Hinge и Raya, но денес им пристапува со поинакви очекувања. Повеќе не ја бара идеализираната љубовна приказна што некогаш ја замислувала. Речиси четири години подоцна, вели дека ужива во животот што го изградила сама. Патува, поминува време со блиските и повеќе не чувствува притисок дека мора да пронајде партнер.
Денес ми е тешко да замислам дека остатокот од животот ќе го поминам со маж. Повеќе не го гледам тоа како нешто што мора да се случи“, рекла.
По ова искуство се ослободила од облеката што ја носела на состаноците, ја избричила главата и почнала сама да го истражува светот. Вели дека денес живее послободно и повеќе во согласност со себеси.
Има малку тага, но ова е многу добро за мојот однос со самата себе“, порачала.
Читателите поделени околу нејзината исповед
По тој настан, Вознијак повеќе не го видела ниту го слушнала Чарли. Подоцна ѝ се јавил со предлог да останат пријатели, но таа го одбила. Сепак, признава дека понекогаш го бара на интернет за да дознае каде е денес, дали ја сменил работата, се преселил или се вратил кај поранешната девојка.
Нејзината исповед предизвикала бројни реакции. Многу читатели го критикувале Чарли и застанале на нејзина страна.
Бил вистински гад. Поднесе сè подобро отколку што би можел јас“, напишал еден коментатор.
Друг се пошегувал: „Се обложувам дека сега е оженет, живее во Кент, а тој ‘стресен период на работа’ всушност биле децата.“
Трет, пак, изразил сомнеж во нејзината верзија, наведувајќи дека е можно станот во Лондон воопшто да не бил негов, туку изнајмен.
Некои ја критикувале и Вознијак, сметајќи дека пребрзо се врзала и потрошила значителна сума за човек што релативно кратко го познавала.
И покрај критиките, таа не жали за одлуката.
Кога би можела да го вратам времето, повторно би ја избрала таа авантура“, рекла.
Нејзината животна филозофија, додава, и понатаму е иста: да биде храбра, да пробува нови работи и да не се плаши да тргне сама.
Се надевам дека другите жени од мојата приказна ќе сфатат колку се силни и колку многу можат да направат сами, со маж или без него“, порачала Вознијак.
Фото: Инстаграм
