Фолк-пејачката Стојанка Стоја Новаковиќ зад себе има животна приказна исполнета со тешки моменти, а еден од најболените периоди го доживеала уште како многу млада.
Стоја се омажила на само 17 години, а во бракот го добила синот Милан. Сепак, по само три години заеднички живот, нејзиниот сопруг трагично загинал во сообраќајна несреќа, оставајќи ја младата мајка сама со малото дете.
Како што раскажувала пејачката, по погребот следувал уште еден тежок удар – семејството на нејзиниот покоен сопруг ја исфрлило од куќата заедно со тригодишниот Милан.
„По три години среќен брак мојот сопруг загина во сообраќајна несреќа. Веднаш по погребот неговото семејство нè исфрли мене и нашето тригодишно дете од куќата. Го држев Милан за рака, викав и плачев додека одевме по улица“, раскажувала Стоја.
Таа открила дека причината била нејзината сиромаштија, а во тие моменти немала ниту каде да се врати. „Не ме сакаа бидејќи бев сиромашна. Тој ден буквално одев по улица со детето, без облека, без играчки, без ништо“, се присетила пејачката.
Дополнителна болка било тоа што не смеела да побара помош ниту од своите родители, бидејќи нејзиниот татко бил строг и уште пред бракот ѝ рекол дека доколку се омажи, повеќе да не се враќа дома.
И покрај сите удари што ги доживеала во најмладите години, Стоја успеала да го преброди тешкиот период, да се избори за себе и за својот син и подоцна да изгради успешна музичка кариера.
