Ви го откриваме најдобриот рецепт за колачот „руска шарлота“ кој се приготвува за 15 минути
Руската шарлота е традиционален колач кој потекнува од руската кујна и важи за еден од наједноставните десерти со јаболка. Сочните јаболка во комбинација со мекото тесто од бисквити, резултираат со лесен, миризлив и освежителен колач. Погоден е и како брз, секојдневен десерт, но и како елегантен колач со попладневен чај или кафе.
Колачот е мек и воздушест, со сочни јаболка кои му даваат нежна киселкава нота. Честопати се посипува со шеќер во прав или цимет, а може да се послужи топла или ладна. Нејзината магија е во едноставноста – потребни се само основни состојки што обично ги имаме дома.
Состојки:
- 4 јајца
- 200 г шеќер
- 1 лажиче ванилин шеќер
- 180 г брашно
- 1 лажиче прашок за печиво
- 3-4 средни јаболка (кисела сорта)
- 1 лажиче цимет
- малку путер и брашно за подмачкување на калапот
- шеќер во прав за посипување
Приготвување:
Поврзани објави
Измијте ги и излупете ги јаболката, па исечкајте ги на тенки резанки. По желба, посипете ги со цимет и оставете ги на страна.
Матете ги јајцата со шеќер и ванилин шеќер додека добиете пенеста смеса. Додајте просеано брашно измешано со прашок за печиво и внимателно промешајте.
Премачкајте калап од 26 см со путер и посипете брашно. На дното распоредете ги јаболката, а одозгора сипете го приготвеното тесто.
Печете во претходно загреана рерна на 180 степени околу 35 минути, додека колачот зарумени и добие убава коричка.
Оставете да се олади, потоа посипете со шеќер во прав. Послужете го самостојно или со топка сладолед од ванила.
ФОТО: Freepik
