Исповедта на оваа жена чија свекрва не ѝ дозволува да спие со својот партнер е преполна со интересни детали
Како да постапите ако видите дека врската што ја градите не оди напред, и тоа поради неговото семејство? Ова прашање го добила колумнистката Абигејл Ван Бурен од читателка која ја прашала: Дали нејзиниот партнер вреди за толкава жртва и дали некогаш ќе има нормален живот со него?
„Ѝ се восхитувам на твојата духовитост и ја ценам твојата искреност, затоа и ти пишувам. Во врска сум веќе 4 и пол години. Тој има 56 години, а јас 60. Се надевам на заеднички живот со него, брак, сопствен дом и сè што оди со тоа“, напишала читателката во писмото, кое го потпишала со псевдонимот „Немирна“.
Како што наведува, единствената пречка до нејзината комплетна среќа е неговата обврска да се грижи за своите стари родители и да им помага да останат во својот дом. Имено, тоа им го ветил пред многу години.
„На почетокот бев во ред со тоа да почекам да ја заврши таа обврска кон нив и му се радував на времето што ќе го поминеме заедно. Се обидов да му помогнам. Дури и се преселив во куќата на неговите родители. Живеев со нив тројца, со оглед на тоа што сум школувана негувателка, но неговата мајка беше неподнослива. Иако идејата да се преселам беше нејзина, стана очигледно дека не ја сакаше мојата помош за ништо. Дури и ми забрани влез во ‘нејзината’ кујна“, напишала Немирна.
Поврзани објави
Но тоа не е најлошото нешто што можело да ѝ се случи. Таа поминала шест месеци спиејќи во посебна соба, одвоена од нејзиниот 56-годишен партнер.
„Во нивниот свет, ако не си во брак а имаш односи, тогаш си грешник кој ќе оди во пеколот. Секако дека го правевме тоа дискретно, но очигледно не доволно дискретно.
Тоа беше ноќен кошмар. Се случија уште многу работи, но на крајот бев исфрлена од куќата без никаква најава. Да скратам: не знам дали можам уште долго да го чекам животот со него каков што го посакувам. Којзнае колку ќе трае ова. Губам верба дека ќе успее некогаш. Што ми советуваш?“, вака ја завршила својата исповед оваа несреќна жена.
Одговорот што го добила бил сосема очекуван:
„Ти и твојот партнер сте возрасни луѓе и имате право на интимен живот ако го сакате тоа. Тоа што ѝ дозволил на мајка му да те исфрли од куќата без најава е повик за будење. Немал храброст да ѝ објасни дека ако ти си заминеш, и тој ќе си оди. Четири и пол години е доволно долго за да се чека некого. Ако сакаш таков живот каков што опишуваш, ќе имаш многу поголеми шанси доколку продолжиш да бараш маж кој е достапен, бидејќи овој очигледно не е“, одговорила Абигејл Ван Бурен.
