Војската на Израел соопшти дека војниците ги „неутрализирале“ милитантите на Хамас кои се криеле во болница во окупираниот град Џенин на Западниот Брег и дека планираат неизбежен напад.
Војската идентификуваше едно од лицата како Мохамед Џаламнех (27) од Џенин, за кој рече дека имал контакти со штабот на Хамас во странство и дека планирал „напад инспириран од масакрот на 7 октомври“.
За другите двајца се вели дека се милитанти од областа. „Џаламнех планирал да изврши терористички напад во блиска иднина и ја користел болницата како скривалиште и затоа е неутрализиран“, соопшти армијата.
Војската одби да каже дали тројцата се убиени, но радиото „Гласот на Палестина“ објави дека тројца Палестинци биле убиени во болница.
Западниот Брег, кој е меѓу областите каде што Палестинците бараат државност, имаше бран на насилство по нападот на 7 октомври, што беше поттик за војната во Газа меѓу Израел и Хамас.
На социјалните мрежи се појави видео на кое се гледа почетокот на нападот на израелските командоси врз болницата. Автентичноста на снимката ја потврди и Ал Џезира. На видеото се гледа дека Израелците биле маскирани во лекари и медицински сестри.
Хамас порача дека „злосторствата на израелската армија нема да останат без одговор“. Тие тврдат дека еден бил во кревет кога бил убиен. (МИА)
كاميرا مراقبة توثق لحظة تسلل قوة خاصة إسرائيلية بلباس مدني لمستشفى ابن سينا بجنين واغتيال 3 شبان فلسطينيين صباح اليوم#حرب_غزة #فيديو pic.twitter.com/a3CtyHfbEh
— الجزيرة فلسطين (@AJA_Palestine) January 30, 2024
Извор : Kurir.mk
ВИДЕО: Маскирани израелски командоси упаднаа во болница во Џенин, убиени тројца милитанти на Хамас
