Инфлуенсерката отворено проговори за последиците од ријалитито и тешкиот период низ кој поминала
Инфлуенсерката Луна Ѓогани не ги задржа солзите пред камерите зборувајќи за сè што поминала по учеството во ријалити-шоуа. Во најавата за емисијата кај Славица Џуриќ Дејановиќ, Луна се наврати на болните искуства од минатото, а нејзината исповед предизвика бројни реакции уште пред емитувањето.
Таа неодамна јавно зборуваше и за сегашниот живот со сопругот Марко Миљковиќ, со кого има заеднички Јутјуб канал. Според нејзините зборови, во текот на 2025 година од таа платформа заработиле околу 400.000 евра. Сепак, гостувањето во емисијата ја врати далеку наназад, во периодот по ријалитито Zadruga 1, кога, како што призна, последиците биле најтешки.
По објавувањето на најавата, Луна се огласи и на Инстаграм со јасна порака. Таа ги замоли луѓето да не судат врз основа на кратки исечоци и им се обрати на оние кои со години оставаат негативни коментари, порачувајќи дека никој не знае што може да му донесе животот и дека осудата никогаш не е решение.
Во самата емисија, инфлуенсерката отворено раскажа дека по ријалитито не можела да продолжи понатаму нормално – посетувала психијатар, земала терапија и се чувствувала изолирано.
Никој не сакаше да биде поврзан со Луна Ѓогани“, признала таа низ солзи.
Инаку, Луна и денес редовно посетува психолог, а неодамна откри дека на еден разговор плачела цели 20 минути.
Printscreen/Yooutube/Sikter TV
