Table of Contents
Колку и да се трудиме да ги оствариме своите цели, понекогаш паметот и способноста не се доволни – пресудна улога може да има токму среќата
Астролозите веруваат дека врз среќата што ја имаме во животот влијае и нашиот датум на раѓање. Меѓу сите знаци, еден особено се издвојува – како да е роден по среќна ѕвезда! Каде и да оди, судбината му отвора врати, а животот секогаш му ги нуди најдобрите шанси.
Многумина велат дека стрелецот го чуваат ангели и дека го следи среќа на секој чекор – без разлика дали станува збор за љубовта, работата или финансиите. Додека другите се трудат и напорно работат за да успеат, на стрелците речиси сѐ им се случува самото од себе.
Зошто стрелецот има толку среќа?
Со неговата судбина владее Јупитер – планета на експанзијата, оптимизмот и животните благослови. Стрелецот не е од оние што чекаат да им падне нешто од небо – тој презема иницијатива и подготвен е да ги оствари своите цели, и покрај препреките.
Неговиот ентузијазам е заразен, поседува неисцрпна енергија, одлична смисла за хумор и изразена љубопитност. Под влијанието на Јупитер, слободата е неговата најголема вредност – само така може да патува, истражува и учи.
Стрелецот е вечен авантурист, светски патник, истражувач, спортист и дипломат. Го привлекуваат далечни земји, егзотични култури, странски јазици и неистражени предели. По природа е љубопитен, храбар и склон на ризици – без премногу размислување ќе се впушти во љубовна авантура, опасна експедиција или ризична работа. Но се чини дека судбината секогаш го штити, па дури и кога сѐ изгледа изгубено, тој некако извлекува добитна комбинација.
Искрен, великодушен и бестрашен
Поврзани објави
Стрелецот е отворен и директен во комуникацијата, понекогаш и премногу искрен. Го кажува тоа што прво ќе му падне на памет и не размислува премногу за последиците. Верува во правда и во вистина, поради што честопати мисли дека и другите луѓе се такви.
Обожава луксуз, забави и собири со пријателите. Секогаш е таму каде што се случува нешто и прв се пријавува за секој предизвик. Неговиот авантуристички дух не поднесува монотонија – здодевните обврски, застарените шеми и лицемерните друштва го нервираат.
Стрелецот има младешки дух, спортска градба, обожава физички активности и благородни спортови, како тенис. Неговата природа е префинета, по малку аристократска, но истовремено бунтовна – ја цени традицијата, но никогаш не дозволува таа да го кочи.
Слабости на стрелецот: нетрпеливост и претерана искреност
Иако има голема среќа, не е секогаш лесно да се соработува со стрелец. Знае да биде строг, а понекогаш и арогантен. Неговата казна не е брутална, но може да биде непријатна – за некој кој е љубител на животните задоволства, најголемата казна е да биде лишен од слобода, авантура и пари.
Стрелецот има големи животни апетити, но она што го разликува од другите е тоа што навистина ги остварува. Нему животот секогаш му се насмевнува – можеби поради храброста, можеби поради среќата, а можеби поради тоа што едноставно знае како да живее со полни гради.
ФОТО: Christophe Van der waals / Unsplash
