Модриот патлиџан полнет со фета-сирење е совршен прилог со месо или риба, а може да се послужи и како лесно летно јадење
Спојте кремлив, печен модар патлиџан, слатки печени пиперки, солено фета-сирење и домашен прелив и ќе добиете лесно, но неверојатно вкусно јадење!
Состојки:
- 3 средни модри патлиџани
- 2 црвени пиперки
- 200 г фета-сирење, здробено
- екстра девствено маслиново масло
- сол и црн пипер
- За преливот балсамико:
- 70 мл екстра девствено маслиново масло
- 40 мл оцет балсамико
- 2 лажички мед
- 1 лажиче сенф „дижон“
- 1 мало чешне лук
- сол и црн пипер
Приготвување:
1. Загрејте ја рерната на 180 степени со вентилатор.
2. Пресечете модар патлиџан на половина по должина. Со нож засечете го плодот вкрстено, само внимавајте да не ја пробиете лушпата.
Поврзани објави
3. Патлиџаните ставете ги со кората нагоре на плех обложен со хартија за печење. Попрскајте со екстра девствено маслиново масло.
4. На истиот плех ставете цели црвени пиперки и попрскајте ги малку со маслиново масло.
5. Печете 35 минути.
6. Извадете го плехот од рерна. Излупете ги печените пиперки и пресечете ги на тенки ленти.
7. Свртете ги патлиџаните и со виљушка внимателно изгмечете ја печената внатрешност.
8. Рамномерно посипете здробено фета-сирење преку патлиџаните и ставете ленти печени пиперки.
9. Вратете во рерна и печете уште 10-15 минути, додека омекне фета-сирењето.
10. Во меѓувреме, пригответе прелив, така што ќе измешате маслиново масло, оцет балсамико, мед, сенф, лук, сол и црн пипер. Обилно прелијте ги топлите патлиџани со преливот и завршете со свежо сечкан магдонос пред да ги послужите.
ФОТО: ИНСТАГРАМ
