На годинешниот филмски фестивал во Кан беше направен преседан – три актерки ја поделија наградата за главна женска улога, а ја издвојуваме оваа прекрасна ретро-фотографија на Селена Гомез, која е една од наградените дами.
„Емилија Перез“ е шпанска музичка комедија во која главните улоги ги толкуваат меѓународните суперѕвезди Зои Салдана, пејачката и актерка Селена Гомез и Шпанката Карла Софија Гаскон.
Драмата ја прикажува Рита, надарена адвокатка која е киднапирана од мексикански нарко-бос и принудена да ја организира транзицијата на овој криминалец. Манитас дел Монте – застрашувачки нарко-бос – сака излез, не затоа што има гризење на совеста, туку затоа што одлучува да го прифати своето вистинско јас: неговиот нов пол, женскиот.
Дејствието се одвива меѓу Бангкок, Израел, Швајцарија, Лондон и Мексико, во сиромашните квартови и пустината, естетските клиники и луксузните куќи. Жак Аудиар, награден на Кан 2015 година, режира луд филм, ремек-дело што нè освојува, шокира и изненадува докрај.
Поврзани објави
Сè до последната песна, преработка на Жорж Брасенс, на шпански. Тој ги потопува своите ликови во светлината, која е наизменично мека, флуоресцентна или темна, и ги тера своите херои и стотици статисти да пеат и танцуваат истовремено. Се надеваме дека филмот наскоро ќе се најде на нашиот кино-репертоар.
ФОТО: ANDREAS RENTZ/STAFF/GETTY IMAGES
